Katiko Ayah Bakato
"Nak.. Mungkin dimuluik ndak pernah takatokan.. Baa padiahnyo manjadi Ayah.. Dari pagi sampai patang Ayah bakureh nak.. Maangkek cangkua ka sawah jo ka ladang.. Lah balang kuduak Ayah nak.. Dilangkang paneh dilapuak hujan.. Untuak apo kasado itu nak? Supayo makan kalian ndak tasandek.. Jalan kalian jan sasek.. Sarato Sakola kalian ndak sakarek-karek.. Ayah ndak ingin nasip kalian samo jo Ayah.. Iduik tu kareh nak.. Sakareh muko ayah..Maafkan Ayah nak.. Ayah nan acok bakato kasa.. Ayah nan acok malakek'an tangan.Ayah nan ndak salambuik Ibu kalian.. Bukan Ayah ndak sayang nak..Ayah hanyo ingin mambantuak pribadi kalian supayo jan lambiak.. Ayah tarimo nak.. Katiko derajat Ibu kalian labiah mulia dari Ayah.. Katiko kalian mandiamkan Ayah katiko ado masalah.. Kalian labiah mamiliah basanda jo mamaluak Ibu kalian.. Seakan Ayah ndak ado.. Ayah tarimo kasadonyo nak.. Bia lah nak nan pantiang kalian bahagia.. Kalau Ibu kalian manangih itu lah biaso nak.. Hati padusi memang putiah jo lambuik salambuik salju..Tapi apo kalian pernah tau nak..? Apo kalian pernah mancaliak..? Apo kalian pernah mandanga..? Katiko Ayah baurai aia mato..? Maraso basalah jo maraso badoso katiko Ayah ndak sanggup mancarikan apo nan kalian inginkan? Katiko itu lah jiwa Ayah talampau sadiah nak..Nan ndak bisa Ayah suruak'an.. Ketahuilah nak.. Katiko aia mato manitiak dipipi Laki-laki..Itu bukan aia mato biaso.. Bukan aia mato cengeng.. Tapi aia mato karano sadiah nan sangaik dalam.. Sadiah jo padiah nan ndak tatahankan..